Шымкент қаласы Әдістемелік орталығының ұйымдастыруымен «Сапалы білім» жобасы аясында шаһардағы №48 жалпы орта білім беретін мектепте «Білім сапасын көтеруде білім беру жүйесінің үлесі» тақырыбында серіктес мектептер арасында семинар өтті. Жиынның мақсаты: білім алушылардың білім сапасын көтеру, әр оқушыға сапалы білім ала алатындай жағдайды қамтамасыз ету, пәндерді оқытуда функционалдық сауаттылықты қалыптастыру.
Семинарда мектептің физика, информатика, биология, қазақ тілі, орыс тілі, бастауыш сынып мұғалімдері ашық сабақтар, шебер-сыныптар өткізіп, оқыту мен тәрбиелеудегі құндылыққа бағдарланған әдіс-тәсілдерімен бөлісті. Семинар соңында мектеп директорлары қатысушылармен кері байланыс жүргізіп, мұғалімдер білім берудегі трендтерге деген жаңа көзқарас, жаңа инсайттарын ортаға салды.
Айта кетейік, Мемлекет басшысының тапсырмасы бойынша мемлекеттік бағдарламалардан ұлттық жобалар форматына көшу жүзеге асырылды. «Білімді ұлт» сапалы білім беру» ұлттық жобасында жедел шешімдерді талап ететін және халықтың қажеттілігін қамтамасыз етуге бағытталған мәселелер бойынша мемлекеттік бағдарламамен сабақтастық сақталған.
Ұлттық жобаның көздегені балаларды мектепке дейінгі тәрбиемен 100% қамтуға, ауылдағы білім беру сапасын арттыруға, балалардың қауіпсіздігіне және ЖОО-ның бәсекеге қабілеттілігін арттыруға күш салу болып саналады. Аталған ұлттық жоба 4 негізгі бағыттан, 5 міндеттен, 15 көрсеткіштен және 26 іс-шарадан тұрады. Оған 2025 жылға дейін бюжеттен 2 трлн теңгеге жуық қаражат жұмсалмақ.Ұлттық жоба білім берудің барлық деңгейіндегі білім алушылардың оқу сапасын арттыруды көздейді. Ұлттық жобаның түпкілікті мақсаты оның мазмұнынан да анық көрініс тапқан.
17-12-2023, 12:16
"Сапалы білім" жобасы аясында нәтижелі жұмыстар жүргізілуде
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз