«Сыбайлас жемқорлықпен күресу - ең маңызды бастамалардын бірі. Себебі, жемқорлық - адам өміріне ғана емес, тұтас ел болашағына тізгін салады. Сыбайлас жемқорлыққа біз болып, мына сіз болып қана қарсы тұра аламыз. Ол үшін адам бойында отансүйгіштік қасиеттерін қалыптастырып, туған жер мен елі үшін қалтқысыз қызмет ететін жоғары парасатты тұлга болуы шарт, - деді спикер Сәкен Мәжімбеков.
Сонымен катар, саясаттанушы әкімшілік жауапкершілікке тартылуға алып келетін сыйақы мен сыйлықтар мөлшеріне тоқталып, барша жастарды жат қылықтардан таза болуға шақырды. Жасыратыны жоқ, бүгінде сыбайлас жемқорлықтың ең жоғарғы ықтималдылығы тап осы оқу орындарында көптеп белең алатыны белгілі. Сондықтан, білім алушы жастарға өздерінің болашақтарына немқұрайлы қарамай, жарқын өмір сүруі үшін лайықты білім алу керектігі баса айтылды.Қазақстан Республикасының Президенті Қасым-Жомарт Тоқаев өз сөзінде: «Өкінішке қарай, сыбайлас жемқорлық әлі де біздің қоғамның ауыр дерті болып отыр. Сыбайлас жемқорлық мемлекеттердің көпшілігінде бар. Қазақстан да одан сырт қалған жоқ. Онымен қалай күресіп жатыр немесе қалай әшкерелеп отыр – ол басқа мәселе», деп атап өткен болатын.
Қазіргі таңда сыбайлас жемқорлық ауқымдылығына ғана байланысты ерекшеленеді.Сыбайлас жемқорлықпен күрес – қоғам талабы. Мінсіз қоғам – жемқорлықсыз қоғам, салауатты өмір – парақорларсыз өмір, мықты мемлекет – жемқорларсыз мемлекет. Еліміз елу елдің қатарына ену үшін аяқ басқанда айналамызды ашкөз алаяқтардан аластап, қоғамды тазарту – азаматтық міндетіміз. Шара барысында қатысушылар еркін пікір алмасып, көптеген мағлұматтарға қанық болды.