Ақтөбе облысының полицейлері фермерге ұрлыққа түскен тұрғындарды қолға түсірді, – деп хабарлайды kazlenta.kz тілшісі Polisia.kz сайтына сілтеме жасап.
Әйтеке би ауданында белгісіз тұлғалар Жамбыл ауылынан 25 шақырым жердегі шаруа қожалығының аумағында тұрған ЕНИСЕЙ комбайнының жанармай багінен 230 литр дизель отынын (солярка), сондай-ақ екі аккумулятор мен гидравликалық шлангтарды ұрлаған. Шаруа қожалығының басшысына келтірілген залал шамамен 300 мың теңгені құрады.
Аудандық полиция бөлімінің қызметкерлері жедел-іздестіру іс-шараларын өткізу барысында Әйтеке би ауданының үш тұрғынын анықтап, ұстады. Күдіктілердің бірінің ауласынан заттай дәлелдемелер алынды.
Ұрлық фактісі бойынша ҚР ҚК-нің 188-бабының 2-бөлігі (Ұрлық) бойынша сотқа дейінгі тергеу жүргізіліп жатыр.