Екі жасар сәби ауруханаға ауыр жағдайда жеткізілген, деп хабарлайды kazlenta.kz тілшісі Ulysmedia.kz сайтына сілтеме жасап.
Оқиға алдыңғы түнде әл-Фараби ауданына қарасты Иляев көшесінің бойында болған. Куәгерлердің айтуынша, баланы туысы терезеден лақтырып жіберген.
Полицияның пікірі
Шымкент Полиция департаментіне жергілікті тұрғыннан оның ағасы ұлын пәтердің терезесінен тастап жібергені туралы хабарлама келіп түскен. Оған қоса ағасы психоневрологиялық диспансерде есепте тұратынын айтқан.
Тергеу кісі өлтіруге оқталу фактісі бойынша жүргізіледі.
40 жастағы күдікті ұсталып, уақытша ұстау изоляторына қамалды.