Павлодар облысында көлік үш жылқыны қағып кетті, – деп хабарлайды kazlenta.kz тілшісі Polisia.kz сайтына сілтеме жасап.
27 қазан күні сағат 06:15-те Toyota Estima автокөлігінің жүргізушісі Екібастұз – Стелла автожолымен жүріп келе жатып, жолдың жүріс бөлігінде тұрған үш жылқыны қағып кеткен.
Апат салдарынан жылқылар өліп, көлік құралы зақымданған. Жылқы иесі анықталды. Жеке тұлғалардың мүлкіне залал келтіруге әкеп соққан ауыл шаруашылығы жануарларын жаю қағидаларын бұзғаны үшін оған қатысты әкімшілік хаттама толтырылып, 10 АЕК мөлшерінде айыппұл салынды.
Полиция жәбірленушіні әкімшілік жауапкершілікке тартумен қатар, жүргізушіге келтірілген материалдық залалды өтеу үшін азаматтық тәртіпте сотқа жүгінуге құқығы бар екенін атап өтті.