«Qyzyljar» арнайы экономикалық аймағына инвестор ретінде «Reimann» тіркемелі ауыл шаруашылығы техникасы зауыты кірді. Қазіргі уақытта негізгі құрылыс-монтаж жұмыстары аяқталды. 1,5 млрд теңге инвестиция тартылды. Жыл соңына дейін кәсіпорын өндірісті бастамақ. Қуаттылығы – жылына 150 бірлік тіркеме техника. 75 жаңа тұрақты жұмыс орны ашылады.
Экономикалық аймақтың тағы бір қатысушысы – «KazKran» серіктестігі. Бұл көтергіш-көлік жабдықтары мен аспалы крандарды шығаратын зауыт. Инвестор учаскені игеру жұмыстарын бастап, цехтың іргетасын құюда. Құны 2 миллиард теңгені құрайтын жобаны іске қосу 2025 жылға жоспарланған. Жаңа кәсіпорында 150 адамға дейін жұмыс істейтін болады.