Полицияға белгісіз біреуден Астана – Санкт-Петербург бағытындағы әуе рейсі миналанған деген хабар келіп түсті. Хабарлама бойынша дереу бортқа тексеру жұмыстары жүргізілді, деп хабарлайды kazlenta.kz тілшісі polisia.kz телеграм арнасына сілтеме жасап.
Нәтижесінде ешқандай жарылғыш заттар табылған жоқ. Көлік полицейлері 1987 жылы туған жақын шетел азаматын ұстады.- Аталған факті бойынша ҚР ҚК-нің 273-бабы бойынша "Терроризм актісі туралы көрінеу жалған хабарлама" бойынша сотқа дейінгі тергеу басталды. Күдікті істеген ісін мойындады. Сот қамауда ұстау түріндегі бұлтартпау шарасын санкциялады. Тергеу мүддесіне орай өзге де мәліметтер жария етілмейді, - деп атап өтті көліктегі ПД бастығы Бақытжан Малыбаев.