Бүгін, 3 тамызда Алматы мен Шымкентте жаңбыр жауады. Ал Нұр-Сұлтан қаласында күн ашық болады деп күтілде. Бұл туралы "Қазгидромет" РМК хабарлайды.
Синоптиктердің мәліметінше, бүгін Алматыда жаңбыр жауып, найзағай ойнайды. Алайда ауа температурасы +29 және +31 градусты көрсетеді деп күтіліп отыр.
Мегаполисте желдің жылдамдығы секундына 3-8 метрді құрайды, найзағай кезінде оның жылдамдығы 13 м/с-қа дейін баруы мүмкін.Мамандар Нұр-Сұлтан қаласында күн ашық болады деп болжап отыр. Бұнда термометр бағаны +23 және + 25 градусты көрсетеді. Синоптиктердің дерегінше, елордада желдің жылдамдығы 9-14 м/с жетеді.Шымкентте Алматы қаласындай найзағай ойнап, жаңбыр жаууы ықтимал.
Еліміздің үшінші мегаполисінде ауа температурасы +31...+33 градусты көрсетеді. Синоптиктер екпіні 15-20 м/с дейін жететін жел болуы мүмкін екенін алға тартып, қала тұрғындарына ескерту жасайды.
3-08-2022, 09:30
Синоптиктер бүгін елімізде ауа райы қандай болатынын болжады
Егер мәтінде қате байқасаңыз, оны таңдап, Ctrl+Enter пернелерін басыңыз