Бүгін, 7 шілдеде Нұр-Сұлтан мен Алматы қаласында күн жаңбырлы болады, ал Шымкентте ауа температурасы +30 градустан жоғары болуы мүмкін, деп хабарлайды "Қазгидромет" РМК ресми сайтында.
Синоптиктердің болжамынша, елордада бүгін найзағай ойнап, ауа температурасы +21...+23 градус жылы болмақ. Сондай-ақ астанада жел күшейіп, екпіні 9-14 м/с дейін жетуі ықтимал. Алматыда да бүгін найзағай ойнайды, бірақ сынап бағаналары +28...+30 градусқа дейін көтеріледі деп болжануда. Шаһарда желдің күші 2-7 м/с жетуі мүмкін, ал найзағай ойнаған кезде екпіні 13 м/с дейін жетеді деп күтіледі.
Ал Шымкент қаласында бүгін күн ыстық болады. Қалада ауа температурасы +29...+31 градусты көрсетеді. Дегенмен еліміздің үшінші ірі қаласында жел секундына 9-14 метрге дейін күшеюі ықтимал.
7-07-2022, 09:28
Бүгін еліміздің мегаполистерінде ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз