13 маусымда еліміздің үш ірі қаласы - Нұр-Сұлтан, Алматы мен Шымкентте найзағай ойнап, жаңбыр жаууы мүмкін деп хабарлайды Kazlenta.kz "Қазгидромет" РМК ресми сайтына сілтеме жасап.
Синоптиктердің болжамынша, бүгін елордада жаңбыр жауады, найзағай ойнайды. Сонымен қатар жел күшейіп, оның екпіні 15-20 м/с жетуі мүмкін. Күндіз ауа температурасы 26-28 градус жылы болмақ.
Алматыда да бүгін найзағай ойнап, жел 14 м/с дейін күшеюі ықтимал. Күндіз сынап бағанасы 29-31 градус ыстықты көрсетеді.
Ал Шымкент қаласында найзағай ойнап, жаңбыр жауады және жел 15-20 м/с дейін күшейеді деп болжануда.Метерологтардың дерегінше, күндіз өңірде 30-32 градус ыстық болады деп күтіледі.
13-06-2022, 10:00
Бүгін Қазақстанның ірі қалаларында жаңбыр жауып, найзағай ойнайды
Егер мәтінде қате байқасаңыз, оны таңдап, Ctrl+Enter пернелерін басыңыз