Бұл жаңалығын Еспанов Instagram парақшасында бөлісті. Ол баласына КIA K7 көлігін сыйлаған. Әншінің ұлы желіде су жаңа темір тұлпарын көрсетіп, көпшіліктен сүйінші сұрады.
"Балама осындай көлік алдырдым. Құттықтап қойсаңыздар болады. Сіздерге де жұғысты болсын. Қуанышыммен бөлісіп қояйын дегенім ғой. Олжас балам, көлігің құтты болсын! Игілігіңе мін. Астыңда тозсын! Енді осы көлікпен үйге келін алып кел", - деп жазды ол.
Олжас Еспанов өз кезегінде асқар тау әкесіне алғысын айтты. "Құттықтап қойсаңыздар болады! Рахмет пап! Жаңа машина, жаңа нөмір! Аллаға шүкір! Сіздерге де жұғысты болсын! Көрімдік қабылдаймын", - деп жазды әртістің ұлы. Оған қоса Олжас Еспанов су жаңа көлігіне аса қымбат нөмір таққан.