Үндістанның Гоа қаласында 19-29 шілде аралығында тірек қимыл аппараты зақымдалған спортшылар арасында классикалық шахматтан әлем чемпионаты өтті, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Халықаралық додада 18 елден келген 100-ге жуық спортшы бақ сынады. Қазақстан құрамасының сапында ел намысын қорғаған астаналық спортшылар – Бақытжан Майкенов пен Айғаным Қамбарова жоғары деңгейде өнер көрсетіп, жеңіс тұғырынан көрінді.Бақытжан Майкенов классикалық шахматтан күміс жүлдеге ие болды.Айғаным Қамбарова блиц және рапид санаттары бойынша екі бірдей күміс медаль жеңіп алды.