Келер жылы Жаңақорған ауданында құс фабрикасы іске қосылмақ. Мұны «Абдулла» шаруа қожалығы жүзеге асырады. Елге инвестиция тарту мақсатында қолға алынып жатқан құс фабрикасы Жаңақорған кентіне жақын маңдағы халықаралық автодәлізге қабаттас орналасады.
Инвестор Абдулла Тәжімбетов қазір Нұр-Сұлтан қаласында тұрса да, туған жерін түлетпек ниетте. Аталған нысанның құрылысы желтоқсан айында басталып, 2021 жылдың аяғына дейін пайдалануға беруді жоспарланған.
Жоба Қазақстан Республикасы Ұлттық банктің республикалық кеңесінде мақұлданды. Жобаның 2 млрд 888 млн 934 мың 729 теңгесі «Ауыл шаруашылығын қаржылай қолдау қоры» АҚ арқылы жылдығы 6 процент жеңілдетілген несиемен қаржыландырылатын болды. Ал, қалған 1,2 млрд теңгесін инвестор өзі салады.
Құс фабрикасы ет бағытын ұстанған, жылына 3,5 мың тонна құс етін өндіруді көздейді. Алдымен газ, су, электр энергиясы жүйесі, жол тарту мәселесі бірінші кезекке қойылып, оны жүзеге асыру жолы аудан әкімімен келісілген. Жоба толық күшіне енгенде 120-150 жергілікті азамат жұмыспен қамтылатын болады.
25-11-2020, 10:18
Жаңақорғанда құс фабрикасы салынады
Егер мәтінде қате байқасаңыз, оны таңдап, Ctrl+Enter пернелерін басыңыз