2023 жылғы 22 мамырда Астанада 4 жылдан бері халықаралық іздеуде жүрген Германия азаматы ұсталды, деп хабарлайды kazlenta.kz тілшісі Zakon.kz сайтына сілтеме жасап.
Көліктегі полиция департаменті экстремизмге қарсы іс-қимыл басқармасының қызметкерлері 1960 жылы туған Германия азаматын ұстады. Ол 2019 жылдан бері халықаралық іздеуде жүрген.
"Қылмыскер Германияның Қылмыстық кодексінің 177-бабында ("Зорлық-зомбылық") көзделген қылмыс жасағаны үшін іздеуде болған", – деп хабарлады Астана қаласы полиция департаментінің баспасөз қызметі.Ведомство өкілдерінің мәліметінше, ол Астана полиция департаментінің уақытша ұстау изоляторына қамалды.