Алматы облысы және Жетісу облысы бойынша ҚАЖД биыл 12 мамырда сотталушы Г. №10 мекемесінен қашып кеткені (қауіпсіздігі орташа) туралы хабарлады, деп жазады kazlenta.kz тілшісі inbusiness.kz сайтына сілтеме жасап.
"Жедел іздестіру шаралары барысында сотталушы мекеменің іргелес аумағында ұсталды. Бұл дерек ақпараттық кітапқа тіркеліп, Алматы облысы Іле аудандық Полиция басқармасының жедел-тергеу тобы шақырылды", - деді Алматы облысы ҚАЖД баспасөз қызметі өкілдері.
Оқиғаның мән-жайын анықтау үшін Қылмыстық атқару жүйесі департаменті қызметтік тексеру жүргізіп жатыр.
"Тергеу қорытындысы бойынша лауазымды тұлғалар қолданыстағы заңнама бойынша тәртіптік жауапкершілікке тартылады. ҚР Қылмыстық-процестік кодексінің 201-бабына сәйкес өзге мәлімет жарияланбайды", - деді ведомство баспасөз қызметі өкілдері.