Ru  Kz
Барлық жаңалықтар

Бірегей ота: Қазақстанда алғаш рет жаңа туған сәбиге асқазан жолдарының туа біткен бірнеше ісіктерін алып тастау бойынша күрделі ота жасалды

Бірегей ота: Қазақстанда алғаш рет жаңа туған сәбиге асқазан жолдарының туа біткен бірнеше ісіктерін алып тастау бойынша күрделі ота жасалды
Фото: «Педиатрия және балалар хирургиясы ғылыми орталығының» баспасөз қызметі

Қазақстанда алғаш рет Педиатрия орталығының хирургтары жаңа туған сәбиге бір мезетте  туа біткен бірнеше кистозды ісіктерді алып тастау бойынша күрделі отаны жасады, деп хабарлайды kazlenta.kz.

Педиатрия және балалар хирургиясы ғылыми орталығының мамандары туа біткен ас қорыту жүйесінің өте сирек кездесетін патологиясымен дүниеге келген нәрестеге бір мезетте  бірнеше күрделі ота жасап, бірнеше кистозды ісікті алып, жаңа туған нәрестенің өмірін аман алып қалды. Жаңа туған сәбиде өңеш пен асқазан-ішек жолдарының екі еселенуі өте сирек кездесетін жағдай. Сәбиге өте күрделі симультандық (бір мезетте) қайта-қалпына келтіру отасы жасалынды. Бұл операция Қазақстанда жаңа туған нәрестеге алғаш рет жасалды.

Өңештен дамып қосарланған үлкен киста, бүкіл сол жақ кеуде қуысында орналасып, сол жақ өкпені қысылуына және нәрестенің туылғаннан бастап тыныс алу жеткіліксіздігіне әкелді. Сондай-ақ, іш қуысында кистозды үлкен ісіктер (түзілімдер) болды. Соның салдарынан баланың іші ұлғайып, іш қуысында қысымның жоғарылауын тудырды, ол өз кезегінде ішектің жұмысы мен нәжістің шығуының бұзылыстарына әкелді. Дүниеге келгеніне екі күн болған нәресте Талғар қаласы аудандық перезентханасынан ауыр жағдайда Педиатрия және балалар хирургиясы ғылыми орталығына әкелінді. Баладағы туа біткен ақау ана құрсағында  ультрадыбыстық зерттеу арқылы анықталған.  

Компьютерлік томография негізінде алдын-ала қойылған диагноз: Асқазан-ішек жолдарының аралас қосарлануы, торакоабдоминалды түрі. Өңештің кистозды қосарлануы, аш ішектің кистозды және түтікті қосарлануы.

Бес күн ішінде нәрестенің жағдайын қалпына келтіру шаралары жүргізілді. Баланың өміріне қауіп төнгендіктен операция шұғыл түрде жасалды. Жаңа туған нәрестеге бір мезетте екі ота жасауға тура келді: сол жақтағы торакотомия, өңештің қосарланған бөлігін алып тастау және лапаротомия, он екі елі ішектің қосарлануын алу мен аш ішектің түтікті қосарланған аймағының резекциясы және ащы ішектің  бір-біріне анастомоз арқылы қалыптастыру операциясы бір мезгілде жасалды.

Күрделі ота жалпы 4 сағаттан астам уақытқа созылды. Операцияны Педиатрия және балалар хирургиясы ғылыми орталығының білікті дәрігерлері, өз ісінің тәжірибелі мамандары жасады. Атап айтқанда, Басқарма Төрағасының клиникалық қызметтер  жөніндегі орынбасары, ҚР ДСМ-нің штаттан тыс Бас неонаталды (нәрестелер) хирургы, асс.профессор Ерекешов Асылжан Әбубәкірұлы, Жаңа туған нәрестелерге арналған жан сақтау бөлімінің меңгерушісі Құрбанбеков Нұрсұлтан Әуелбекұлы,  нәрестелер хирургы Кәукенбаева Гүлмира Төлепбекқызы қолдарынан келген бар мүмкіндікті жасап, кішкентай нәрестені ажал аузынан алып қалды.    

Отадан кейінгі 17-ші күні Даниал есімді кішкентай пациентіміз үйіне аман-есен шығарылды.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Мультимедиа
Ақордада су тасқынымен күреске белсене атсалысқан азаматтарды салтанатты түрде марапаттау рәсімі өтті
Мемлекет басшысы Қазақстан-Сингапур бизнес форумында сөз сөйледі
Марат Сұлтанғазиев су тасқынына қарсы іс-шараларға қатысқан әскерилерді марапаттады
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Олжас Бектенов Nazarbayev University ғылыми әзірлемелерімен танысты