Еліміздің барлық мектебінде қауіпсіздікті тексеру жұмысы жүргізіледі, деп хабарлайды kazlenta.kz Оқу-ағарту министрлігінің баспасөз қызметіне сілтеме жасап.
Оқу-ағарту министрінің тапсырмасы бойынша Петропавл мектебінде болған оқиғаға қатысты комиссия құрылды. Оның құрамында Балалардың құқықтарын қорғау комитеті, Білім саласында сапаны қамтамасыз ету департаменті, Солтүстік Қазақстан облысы білім басқармасының өкілдері бар.
Айта кетейік, мектепте қауіпсіздікті қамтамасыз ету үшін орнатылған бейнебақылау камералары мен дабыл түймесі жұмыс істейді. Қазір оқиғаның мән-жайы анықталып жатыр.