2022 жылдың қаңтар–желтоқсан айларында елімізде 223 медициналық қылмыстық құқық бұзушылық тіркелді, бұл бір жыл бұрынғыдан 6,2% артық. Саладағы құқық бұзушылықтар санының өсуі 2019–2021 жылдардағы көрсеткіштің үш жылдық төмендеуінен кейін алғаш рет байқалды, деп хабарлайды finprom.kz-ке сілтеме жасаған kazlenta.kz
Салыстыру үшін: өткен жылдың сәйкес кезеңінде құқық бұзушылықтар саны 18% төмендеп, 210 болған.
Өңірлер бойынша мұндай құқық бұзушылықтардың басым бөлігі Алматы қаласында тіркелген: 26 оқиға — бір жыл бұрынғыдан 36,8% көп.
Одан кейін Астана (21 жағдай, бір жылда 2,1 өскен) және Алматы облысы (20 жағдай, 47,4% азайған). Саладағы құқық бұзушылықтардың ең азы Жетісу, Ұлытау және Ақтөбе облыстарында болды.
Медициналық қылмыстық құқық бұзушылықтардың барлығы дерлік (96,4%) медицина немесе фармацевтика қызметкерлерінің кәсіби міндеттерін дұрыс орындамауымен байланысты: 215 жағдай, бір жылда 5,4% көбейген.
Тағы 6 жағдай заңсыз медициналық және фармацевтикалық қызмет және рецепттерді заңсыз беру немесе қолдан жасауға, 1 жағдай заңсыз түсік түсіру және жалған дәрілік заттармен, медициналық бұйымдармен немесе медициналық техникамен жұмыс істеуге қатысты.
ҚР Денсаулық сақтау министрлігінде мемлекеттік органның оң имиджін қалыптастыру, мемлекеттік қызметшілерге заңда көзделген қызметтік этика нормаларын сақтау және шектеулер мәселелері талқыланды.
ҚР Денсаулық сақтау министрлігінің Әдеп жөніндегі уәкілдері әлеуметтік желілерде, азаматтармен телефон арқылы сөйлесу кезінде, мемлекеттік қызмет көрсету кезінде, бақылау-қадағалау функцияларын жүзеге асыру кезінде, іссапарға шығу кезінде қызметтік этика нормаларын сақтау қажеттілігіне тоқталды, сондай-ақ мүдделер қақтығысы туындаған жағдайда сыбайлас жемқорлыққа қарсы мінез-құлық дағдыларын дамыту мәселесін көтерді.