Қызылорда облысы Қазалы ауданында жаңа спорт кешенінің шатыр жауып жатқан бес адам жарақат алып, ауруханаға түсті, деп хабарлайды ҚазАқпаратқа сілтеме жасаған kazlenta.kz
Басылымның хабарлауынша, оқиға бүгін, 25 қаңтарда сағат 11.00 шамасында Қазалы ауданының орталығы - Әйтеке би кентіндегі Жанқожа батыр көшесі бойында жаңадан салып жатқан спорт кешені аумағында болған. Белгілі болғандай спорт кешенінде төбедегі бөренелер құлап, салдарынан ауданда тұратын 30-40 жастағы 5 ер азамат жарақат алған.
Осылайша олардың үшеуі "мидың шайқалуы, түрлі жарақаттар" диагнозымен ауруханаға жатқызылса, екеуіне алғашқы дәрігерлік көмек көрсетіліп, үйіне қайтарылған. Қазіргі таңда аталған дерек бойынша ҚР Қылмыстық кодексінің 277-бабы 1-бөлігімен іс қозғалып, тергеу әрекеттері жүргізіліп жатыр, дейді облыстық ПД өкілдері.
26-01-2023, 15:37
Қызылордада спорт кешенінің құрылысшылары жарақат алып, ауруханаға түсті
Егер мәтінде қате байқасаңыз, оны таңдап, Ctrl+Enter пернелерін басыңыз