“Қарағанды қаласында 16 қабатты 127 пәтерлі тұрғын үйдің 8-қабатындағы пәтерде газ жарылды. Өрт сөндірушілер оқиға орнына келген кезде сыртқы белгілері бойынша 8-қабаттағы пәтер ашық жалынмен жанып жатты. Құтқарушылар кіреберістегі пәтерлерден адамдарды эвакуациялау және құтқару жұмыстарын жүргізуде. Кіреберісті қою түтін басты”, - делінген хабарламада.
ТЖМ дерегіне сүйенсек, оқиға орнында Қарағанды облысы ТЖД Жедел-құтқару жасағының, Апаттар медицинасы орталығының жалпы саны жеке құрамнан 50 адам мен 12 бірлік техника жұмыс жүргізуде. Сондай-ақ тұрғындарды жылыту үшін Қарағанды облысы ТЖ департаментінің үш вахталық автобусы аттанған. ”Алдын ала болжам бойынша жарылыс болған үйден үш мәйіт табылды, тағы бір адам ауруханаға жатқызылды”, - деп қосты ведомствода. ТЖМ қаза тапқандардың екеуі ер адам, бірі әйел деп болжап отыр.
11-01-2023, 09:31
Қарағандыда көпқабатты тұрғын үйде газ жарылды
Қарағандыда көпқабатты тұрғын үйде газ жарылды, деп хабарлайды ТЖМ баспасөз қызметіне сілтеме жасаған kazlenta.kz.
Егер мәтінде қате байқасаңыз, оны таңдап, Ctrl+Enter пернелерін басыңыз