Қостанай облысында өрттен зардап шеккен аумақ қалай қалпына келтіріліп жатыр

Қостанай облысының Әулиекөл ауданында қыркүйек айының басында орын алған ірі өрттердің салдарын жою қарқын алды. Аудан орталығында баспанасынан айырылған тұрғындарға үй салынып жатыр. Өрттен зардап шеккендер еріктілер мұқият сұрыптап жинаған гуманитарлық көмекке арқа сүйеуде, деп хабарлайды NUR.KZ-ке сілтеме жасаған kazlenta.kz

10 қыркүйекте Төтенше жағдайлар министрлігінің баспасөз қызметі Қостанай облысында бір аптадан астам уақыт бойы сөндірілмеген өрттің салдары жойылғанын хабарлады. Өрттің жалпы аумағы 43 мың гектарды құрады. Ведомствоның мәліметінше, өрт салдарынан екі елді мекендегі 91 тұрғын үй қирап, зақымданған. 

Тұрғындары облыс орталығындағы мектептерге көшірілген Аманқарағай ауылында өртенген үйлердің қалдықтары сүріліп, қоқыстар шығарылуда. Оған Қостанай облысының барлық елді мекендері көмектесуде. "Өрт салдарын жоюмен алтыншы күн айналысып жатырмыз. "ССГПО" АҚ, "Рахат" ЖШС, "Рудный Водоканал" және "Рудный жылу желісінің" қызметкерлері жұмыс істеп жатыр. Кәсіпорындар 11 техника мен жұмыс күшін тегін берді. Бізде үшеуі бар. Жүк тиегіштер, жеті самосвал және бір бульдозер. Жұмысшылар өртенген үйлерді бұзып қана қоймай, баспанасы аман қалған, шаруа қожалықтары жанып кеткен азаматтарға да көмектесуде. Олар көбіне қоқыс шығаруға көмек сұрайды. Әрине, бәрі алға ұмтылады”, - дейді Қостанай облысы Рудный қаласы әкімінің кеңесшісі Мирас Жетенов.скачать dle 11.1смотреть фильмы бесплатно