Сәрсенбі, 14 қыркүйек күні Шымкент пен Алматыда күн ашық болады, ал Нұр-Сұлтанда салқын ауа райы күтіледі. Ауа райы болжамы "Қазгидромет" РМК ресми сайтында жарияланды.
Алматыда жауын-шашынсыз ауа райы болады, термометр +22...+24 градусқа дейін көтеріледі. Желдің жылдамдығы секундына 3-тен 8 метрге дейін жетуі мүмкін. Шымкентте одан да ыстық ауа райы күтіледі: мұнда +28...+30 градус болады деп болжанып отыр. Алайда қала тұрғындарына жел соғатыны және оның жылдамдығы секундына 8-13 метрге жететіні ескертілді.
Ал Нұр-Сұлтан қаласында бүгін күн салқын және жауын-шашынсыз болады. Елордада термометр бағанасы +15...+17 градусты көрсетеді. Сонымен қатар секундына 8-13 метр жылдамдықпен жел соғуы мүмкін.
14-09-2022, 09:18
Қазақстанның ірі қалаларында сәрсенбіде ауа райы қандай болады
Егер мәтінде қате байқасаңыз, оны таңдап, Ctrl+Enter пернелерін басыңыз