30 қарашадан бастап Қарағанды облысында аналогты теледидар жұмыс істемейді. Оны цифрлық эфирлік телехабар (ЦЭТХ) алмастырады, деп хабарлайды kazlenta.kz.
Қазақстанда «цифрлыққа» толық көшуді 2022 жылы аяқтау жоспарланып отыр. Елдегі алғашқы ЦЭТХ радиотелевизиялық станциялары 2012 жылы салынды. Жалпы алғанда ел халқының 95% - ын қамтитын 827 радиотелевизиялық станция болады. Қарағанды облысында өңір халқының 96,3% -ын ЦЭТХ-мен жалпы қамти отырып, 35 радиотелевизиялық станция салынады және жаңғыртылады.
Облыстың көптеген тұрғындары абоненттік төлемсіз цифрлық теледидарға көшті.
ЦЭТХ аналогты теледидарға қарағанда бірқатар артықшылықтарға ие:
- таратқыштардың қуатын азайту;
- сығымдау алгоритмдерін қолдану арқылы бірдей жиілік диапазонында берілетін теледидар бағдарламаларының санының едәуір артуы;
- ұялы операторларды, сымсыз байланыс желілерін және интернетті дамыту үшін жиіліктерді босату;
- пайдалану кезінде көрермен электрондық телебағдарламаны, сондай-ақ телегазеттерді көруге мүмкіндік алатын интерактивтік ТВ-жүйелерді құру.
Цифрлық телехабар таратуға көшу «Цифрлық Қазақстан» мемлекеттік бағдарламасы шеңберінде жүзеге асырылуда.
ЦЭТХ-ға қалай қосылу туралы толығырақ ақпаратты www.tsetv.kz сайтынан немесе «Қазтелерадио» АҚ Call-орталығына 193 (аймақтық қоңыраулар үй телефонынан тегін), 8-8000-800-193 (ұялы телефоннан қоңыраулар тегін) нөмірлері бойынша хабарласып алуға болады.