Тарбағатай ауданының тұрғыны жұбайымен бірге Өскемен қаласынан үйіне қайтып келе жатқан. Алайда Қарасу ауылының маңында көліктің қозғалтқышы істен шығып, жолда тоқтауға мәжбүр болған. Осылайша олар әрі қарай жолды өздігінен жалғастыра алмаған, деп хабарлайды kazlenta.kz тілшісі Polisia.kz сайтына сілтеме жасап.
Оларға Тарбағатай аудандық полиция бөлімінің қоғамдық қауіпсіздік бөлімшесінің учаскелік полиция инспекторлары Мақсат Зейтин мен Әли Әмір көмек көрсетті. Жол жиегінде тоқтап тұрған көлікті байқаған полицейлер бейжай қалмай, ерлі-зайыптыларға қол ұшын созды. Олар ақауы бар автокөлікті Ақжар ауылына дейін сүйреп жеткізді. Көрсетілген көмегі мен жанашырлығы үшін аудан тұрғыны полицейлерге шынайы алғысын білдірді. Мұндай әрекеттер адамдарға жанашырлық танытып, қиын сәтте көмекке келуге дайын болу полиция қызметінің ажырамас бөлігі екенін көрсетеді.Бүгін, 11:22
ШҚО-да полицейлер жолда қалған ерлі-зайыптыға көмектесті
Фото: polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз