Жамбыл облысында көші-қон заңнамасын бұзған азаматтар жауапқа тартылды, - деп хабарлайды kazlenta.kz тілшісі Polisia.kz сайтына сілтеме жасап.
Жамбыл облысында полицейлер көші-қон заңнамасын бұзу деректерін анықтауға және жолын кесуге бағытталған "Заңсыз келуші - 2026" жедел-алдын алу іс-шарасының қорытындысын шығарды. Іс-шараны өткізу кезеңінде полицейлер шетелдік азаматтар мен азаматтығы жоқ тұлғалардың Қазақстан Республикасының көші-қон заңнамасының талаптарын бұзуына қатысты 563 әкімшілік құқық бұзушылықтың жолын кесті. Бұзушылықтардың ең көп көрсеткіші еңбек қызметін заңсыз жүзеге асырумен байланысты.
Полиция шетелдік азаматтардың тиісті рұқсат құжаттарсыз жұмыс істеуінің 226 дерегін анықтады. Сонымен қатар ішкі істер органдарын шетелдіктердің келуі туралы уақытылы хабардар етпеу және қабылдаушы тараптың олардың ел аумағында болуының белгіленген ережелерін сақтамауының 141 дерегі анықталды. Тексеру барысында шетелдік жұмыс күшін қажетті рұқсатсыз заңсыз тартқан 37 жұмыс беруші де анықталды. Барлық анықталған деректер бойынша қолданыстағы заңнамаға сәйкес шаралар қабылданды.
Шетелдік азаматтардың Қазақстан аумағында болу мерзімін сақтауын бақылауға ерекше назар аударылды. Нәтижесінде шетелдіктердің республика аумағында уақытша болу мерзімін қысқартудың 55 дерегі тіркелді. Сондай-ақ полиция қызметкерлері қылмыстық құқық бұзушылық деректерін анықтады. Жедел алдын алу іс-шарасы шеңберінде полиция қызметкерлері іздеу жарияланған жеті қылмыскердің орналасқан жерін анықтады, олардың алтауы - шетелдік азаматтар. Полицейлер заңсыз көші-қон арналарының жолын кесу, көші-қон заңнамасын бұзу деректерін анықтау және кінәлі тұлғаларды заңда белгіленген ретте жауапкершілікке тарту жұмыстары жүйелі түрде жүргізілуде.