Маңғыстау облысы полиция департаментінде Қазақстан Республикасының Мемлекеттік рәміздер күніне арналған салтанатты іс-шара өтті, – деп хабарлайды kazlenta.kz тілшісі Polisia.kz сайтына сілтеме жасап.
Іс-шара Әнұранның орындалуымен басталды. Полиция қызметкерлері еліміздің егемендігі мен бірлігінің, ұлттық болмысы мен тәуелсіздігінің айқын белгісі саналатын Мемлекеттік рәміздерге құрмет көрсетті. Жеке құрам алдында сөз сөйлеген Маңғыстау облысы полиция департаментінің бастығы Сағындық Аяғанов мемлекеттік рәміздердің жастарға патриоттық тәрбие берудегі және Отанға деген сүйіспеншілікті қалыптастырудағы маңызын атап өтті.
Іс-шара барысында қатысушыларға Мемлекеттік Ту, Елтаңба және Әнұранның тарихы мен маңызы туралы айтылып, олардың ел бірлігін нығайтудағы ерекше рөлі атап өтілді. Салтанатты жиын мемлекеттік құндылықтарды дәріптеуге, патриоттық рухты нығайтуға және ел тәуелсіздігінің басты нышандарына деген құрметті арттыруға бағытталды.