Елордада полиция қызметкерлері интернет-алаяқтықтың алдын алды, – деп хабарлайды kazlenta.kz тілшісі Polisia.kz сайтына сілтеме жасап.
Анықталғандай, екі апта бойы әйелге мессенджер арқылы өздерін ұтыс ойынын ұйымдастырушылар ретінде таныстырған белгісіз адамдар хабарлама жазған. Қаскөйлер оны жеңімпаз атанғанына сендіріп, Tesla автокөлігін ұтып алғанын айтқан. "Жүлдені алу үшін" алаяқтар халықаралық аударым арқылы 700 мың теңгеден астам ақша жіберуді талап еткен. Алаяқтардың нұсқауын орындаған әйел қаладағы банктердің бірінің бөлімшесіне барып, ақшаны аудармақ болған.
Клиенттің күмәнді әрекеті банк қызметкерінің назарын аударып, ол көмек ұсынған. Соған қарамастан, әйел ұзақ уақыт бойы алаяқтардың сөзіне сеніп келген. Тек ұзақ профилактикалық әңгіме мен интернет-алаяқтықтың кең таралған тәсілдерін түсіндіруден кейін ғана оны ақша аударудан бас тартуға көндіру мүмкін болды. Полиция азаматтарды алаяқтықтан сақ болуға шақырады.