Жеңіс күніне орай Алматыда бұқаралық велошеру ұйымдастырылды. Іс-шараға 200-ден астам велоспорт әуесқойы қатысты, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Велошеру қаланың орталық көшелері арқылы өтті. Қатысушылар сапарын «Нұрлы Тау» бизнес орталығынан бастап, әл-Фараби даңғылы, Саин, Рысқұлов даңғылдары, Шығыс айналма жолы, Төле би, Қонаев және Гоголь көшелерімен жүріп өтті. Велошеру 28 гвардияшы-панфиловшылар атындағы саябақта мәресіне жетті. Жалпы маршрут ұзындығы 40 шақырым болды. Іс-шара соңында қатысушылар Ұлы Отан соғысы батырларының рухына тағзым етіп, Мәңгілік алауға гүл шоқтарын қойды.11-05-2026, 10:00
Алматыда Жеңіс күніне арналған велошеру өтті
Фото: Алматы қаласы әкімінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз