Қырғызстанның Чолпон-Ата қаласында тасжолдағы велоспорттан елдің ашық қысқы чемпионаты өтті, деп хабарлайды kazlenta.kz тілшісі елорда әкімдігінің ресми сайтына сілтеме жасап.
96 шақырымдық жарысқа Қырғызстан, Қазақстан және Өзбекстан елдерінің жас спортшылары қатысты.
Тартысты өткен бәсекеде ел намысын қорғағн Астана қаласының спортшысы Мұрат Күйтенов тамаша нәтиже көрсетіп, мәреге бірінші болып жетті. Осылайша елордалық велошабандоз жарыстың чемпионы атанып, алтын медаль жеңіп алды. Ал күміс пен қола жүлдені Өзбекстан елінің спортшылары Чингиз Чулиев бен Ергашев Фазлиддин иеленді.
Айта кетейік, бұл жарыс Қырғызстан тәуелсіздік алғаннан бергі тарихындағы тас жолдағы екінші кәсіби веложарыс болып саналады.