Алматыда білім беру инфрақұрылымы рекордтық қарқынмен дамып келеді. Қалада 37 нысан пайдалануға беріліп, 39 775 оқушы орны құрылды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Сонымен қатар, «Келешек мектептері» жобасы аясында 34 200 орынға арналған 20 мектеп және жергілікті бюджет есебінен тағы 2 мектеп салынды. Білім беру нысандарындағы шамадан тыс жүктемені азайту мақсатында мектептер жанынан 4 қосалқы нысан, 7 мемлекеттік балабақша, 2 қосымша білім беру орталығы және 1 спорт кешені ашылды. Кәсіптік білім беру жүйесіне жатақханасы бар 1 050 орынға арналған жаңа колледж қосылды. 2030 жылға дейін 105 мың оқушы орнына арналған 70 мектеп салу жоспарланып отыр. Бұл кезең-кезеңімен бір ауысымда оқыту жүйесіне көшуге мүмкіндік береді.15-02-2026, 13:41
Алматыда мектеп құрылысы қарқын алды
Фото: Алматы қаласы әкімінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз