Алматы әкімі Дархан Сатыбалды кешкі уақытта қаланың бірқатар аумағын аралап, сәулеттік-сәндік және көше жарықтандыру жүйелерінің жұмысын тексерді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жоба жайлы қалалық орта қалыптастыру бағдарламасы аясында қолға алынған. Негізгі басымдық – ғимараттардың сәулеттік көркемдігі мен тұрғындардың кешкі уақыттағы қауіпсіздігін қамтамасыз етуге аударылған. Қазіргі уақытта Абай, Достық даңғылдары мен Қонаев көшесі бойындағы 21 ғимараттың сыртқы жарықтандырылуы аяқталды. 1600-ден астам заманауи LED-шам орнатылды. Төлебаев көшесінде 97 жарық шамы жаңартылып, көше жарығы бұрынғыдан әлдеқайда жарық әрі біркелкі болды. Бұл жүргіншілер мен жүргізушілердің қауіпсіздігін арттырып, энергия тұтынуды едәуір азайтады.«Самал De Luxe» тұрғын кешенінің жарықтандыру жұмыстары да бітіп, орнатылған 664 шам ғимараттың сәулеттік ерекшелігін айқындап, оған заманауи келбет берді.Қаланың орталық көшелері мен тұрғын аудандарында жарықтандыру желісін жаңғырту жұмыстары жалғасып жатыр.