Күздің алғашқы айларында қазақстандықтар жылы ауа райының жылы шуағын сезінді. Алайда жақсы күн райын сақтап тұрған антициклон еліміз аумағынан кетіп, оның орнын солтүстік циклон басады, деп хабарлайды kazlenta.kz.
Суық ауа массаларымен толыққан бұл циклон еліміздің үстімен тез жылжып, жаңбырдың соңы қарға ұласатын жауын-шашынды ауа райын әкеледі.
4 қарашадан бастап елдің солтүстік және шығыс өңірлерінде қар, кей жерлерде бұрқасынмен бірге қатты қар жауып, желдің екпіні күшейіп, көктайғақ болуы ықтимал. Ауа температурасы біртіндеп төмендейді. Әсіресе солтүстік пен шығыста түнде 5–13 градус, күндіз 3–11 градус аяз күтіледі.
Суық толқыны еліміздің оңтүстігін де айналып өтпейді. 4 қарашада күтілетін нөсер жаңбыр мен қардан кейін ауа температурасы төмендеп, түнде 0–13 градус, күндіз 0–5 градус жылы шамасында болады.