Алматыда тағы бір заңсыз коммерциялық нысан сүрілді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Кеше қаладағы Мақатаев көшесі, 4а мекенжайында орналасқан «Taiyaki coffee» дәмханасы бұзылды. Бұл туралы Алматы қаласы қала құрылысын бақылау басқармасы хабарлады.
Бұған дейін жүргізілген жоспардан тыс тексеріс барысында аталған нысан жеке тұлғаның иелігінде екені анықталған. Ол жобалық-сметалық құжаттамасыз, авторлық және техникалық қадағалаусыз салынып, пайдалануға қабылдау актісінсіз жұмыс істеп келген.Нысан иесіне қатысты әкімшілік шара қолданылып, ғимаратты бұзу жөнінде нұсқама берілген.29 қыркүйек күні иесі басқарманың нұсқамасын орындау аясында заңсыз құрылысты толықтай бұзды.