Алматының индустриялық аймағында аумағы 6,4 мың шаршы метр болатын заманауи кәсіпорын іске қосылады. Зауыт жылына 21,6 мың тоннадан астам шыны ыдыс шығара алады. 58 жаңа жұмыс орнын ашу жоспарланып отыр, ал техникалық іске қосу 2025 жылдың қыркүйегіне белгіленген, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қаржыландыру «Almaty Business - 2025» бағдарламасы аясында «Almaty Finance» ЖШС қолдауымен жүзеге асқан. Жобаның жалпы инвестиция көлемі 500 млн теңге, оның 300 млн-ы жабдық алуға және іске қосуға, ал 200 млн-ы айналым қаражатына жұмсалады.Жоба айналым экономикасын дамытуға және экологиялық тұрақтылықты қамтамасыз етуге ықпал етеді. Зауыт шыны қалдықтарын қайта өңдеп, қалдықты азайтып, қоршаған ортаны қорғайды.Кәсіпорын Қазақстанның ішкі нарығын толықтай шыны ыдыспен қамтамасыз етіп, Ресей мен Өзбекстаннан импортқа тәуелділікті азайтады,-делінген хабарда.Қазіргі таңда елде тек үш шыны зауыты жұмыс істейді, олар сұраныстың жартысын ғана өтейді.