Қарағанды облысында ірі көлемдегі қарасора алқабы анықталды, – деп хабарлайды kazlenta.kz тілшісі Polisia.kz сайтына сілтеме жасап.
Тексеру кезінде полицейлер 40 түп кептірілген марихуананы тәркіледі. Олардың салмағы шамамен 5 келіні құраған. Бұған қоса, сатуға дайындалған тағы 5 келі кептірілген марихуана табылды. Сонымен қатар, аула аумағында 68 түп қарасора плантациясы анықталды.
Аталған дерек бойынша аса ірі көлемде есірткі заттарын заңсыз өсіру және сақтау фактісі бойынша қылмыстық іс қозғалды. Барлық тәркіленген заттар сараптамаға жіберілді. Қазіргі уақытта тергеу амалдары жүргізілуде.
«Қарасора» жедел алдын алу іс-шарасы өңірде жалғасуда. Полиция органдары есірткінің заңсыз айналымына қатысты кез келген деректі қатаң бақылауда ұстайтынын атап өтті.