Қала күні және Халық Қаһарманы, көрнекті композитор, дирижер әрі күйші Нұрғиса Тілендиевтің туғанына 100 жыл толуына орай мемориалдық музейде қайта жаңғыртылған экспозиция ашылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ашылу рәсіміне Алматы әкімі Дархан Сатыбалды, маэстроның қызы Дінзухра Тілендиева және мәдениет өкілдері қатысты. Жаңғыртудан кейін музейдің көрме залдарының аумағы 161 шаршы метрге дейін кеңейді. Заманауи мультимедиялық құрылғылармен жабдықталған екі жаңа зал ашылып, сирек қолжазбалар, архивтік суреттер мен күйшінің жеке заттары қойылды. Экспозициядағы ең құнды жәдігерлердің бірі Ахмет Жұбанов сыйға тартқан аңызға айналған «Дариға-домбыра», сондай-ақ, композитордың анасы сыйға тартқан фортепиано да бар. Нұрғиса Тілендиевтің 100 жылдық мерейтойы ЮНЕСКО-ның мерейтойлық даталар тізіміне енгізіліп, қазақ музыкасы дарынының әлемдік мәдениетке қосқан үлесі мойындалды.