"Арзан бағада үй алып беремін": семейлік тұрғын танысының 4,5 млн теңгесін қалтаға басқан, – деп хабарлайды kazlenta.kz тілшісі Polisia.kz сайтына сілтеме жасап.
Семей қаласының 36 жастағы тұрғыны полицияға алаяқтық дерегі бойынша шағымданды. Оның айтуынша, 2024 жылдың сәуір-мамыр айлары аралығында танысы арзан бағада пәтер алып беремін деп сеніміне кіріп, 4,5 миллион теңгесін иемденген. Жүргізілген жедел-іздестіру іс-шаралары нәтижесінде криминалдық полиция қызметкерлері күдіктіні қолға түсірді. Ол өз кінәсін мойындағанымен, жәбірленушінің ақшасы қайтарылмады. Қазіргі уақытта аталған факті бойынша сотқа дейінгі тергеу амалдары басталды. Күдіктіге қолхатпен бұлтартпау шарасы таңдалды.18-08-2025, 17:20
"Арзан бағада үй алып беремін": семейлік тұрғын танысының 4,5 млн теңгесін қалтаға басқан
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз