Қазақстанда жұмыссыздықтың төмен деңгейі сақталып отыр. Бірінші жартыжылдықтың қорытындысы бойынша Қазақстанда жұмыссыздық деңгейі 4,6% деңгейінде сақталып отыр. Жұмыспен қамтылғандар қатары жалдамалы жұмыскерлер есебінен өсіп отыр, олардың саны 7,1 миллион адамға жетті, ал өзін-өзі жұмыспен қамтығандардың саны – 2,1 млн адам. Бұл туралы Үкімет отырысында еңбек және халықты әлеуметтік қорғау вице-министрі Асқар Биахметов мәлімдеді, деп хабарлаййды kazlenta.kz тілшісі Үкіметтің баспасөз қызметіне сілтеме жасап.
Ағымдағы трендтер қатарында негізгі үш бағытты ерекшелеп айтуға болады. Олар: Біріншіден – цифрландыру мен автоматтандыру. Қазіргі мамандықтардың көбісі цифрлық дағдыларды талап етеді. Екіншіден – платформалы жұмыспен қамту және электрондық сауда. Адамдардың көбісі онлайн-платформалар арқылы жұмыс істейді, фриланспен, электрондық саудамен және т.б. айналысады. Үшіншіден –, елімізде халықтың саны өсуде, соның нәтижесінде жыл сайын еңбек нарығына келіп жатқан жастардың қатары артуда. Болжам бойынша 2035 жылға дейін бұл көрсеткіш жылына 360 мың адамға дейін өсуә мүмкін. Бұл еңбек нарығына қосымша салмақ түсіреді.Бүгін, 10:42
Жұмыспен қамту өсуде: Қазақстанда жұмыссыздықтың төмен деңгейі сақталып отыр
Фото: primeminister.kz
Егер мәтінде қате байқасаңыз, оны таңдап, Ctrl+Enter пернелерін басыңыз