21 шілдеде ҚР Экология және табиғи ресурстар министрі Е. Нысанбаев Бразилия Федеративтік Республикасының Қазақстандағы Елшісі Марсель Фортуна Биато мырзамен, сондай-ақ “Тұрақты даму" Жер Қоры мен "Earth Ambassadors" жастар қозғалысының өкілдерімен кездесті, деп хабарлайды kazlenta.kz тілшісі ҚР Экология және табиғи ресурстар министрлігінің баспасөз қызметіне сілтеме жасап.
Кездесу барысында 2025 жылғы қарашада Бразилияда өтетін БҰҰ-ның Климаттың өзгеруі жөніндегі негіздемелік конвенциясы (COP30) тараптарының 30-шы конференциясына дайындыққа қазақстандық тараптың қатысу мәселелеріне ерекше назар аударылды.
Жер қоры мен "Earth Ambassadors" қозғалысы жаһандық климаттық процестер шеңберінде көгалдандыру акцияларын қоса алғанда, бірлескен жастар Климаттық жобаларын ұйымдастыру бойынша бастама көтерді. Ұсыныс жастардың Климаттық күн тәртібін іске асыруға қатысуын кеңейтуге бағытталған.
Сондай-ақ, кездесу аясында 2026 жылдың сәуір айында Астанада өтетін Орталық Азия елдері үшін алдағы Өңірлік экологиялық саммит талқыланды.
Тараптар өзара іс-қимылдың ықтимал форматтары бойынша пікір алмасты және саммитке дайындық шеңберінде ынтымақтастық орнатуға қызығушылық білдірді.