Астана күні қала тұрғындары үшін тек мерекелік шаралармен ғана емес, перзентханалардағы қуанышты сәттермен де есте қалды. 6 шілде күні түнгі сағат 00:00-ден түскі 12:00-ге дейін елордада 39 нәресте дүниеге келді – олардың 22-сі – ұл, 17-сі – қыз бала, деп хабарлайды kazlenta.kz тілшісі Астана қаласы әкімдігінің ресми сайтына сілтеме жасап.
Жүкті әйелдер бірнеше медициналық мекемеде босанды: №3 көпбейінді аурухана, №2 көпбейінді аурухана, Перинаталдық орталық, сондай-ақ «Рахат» және өзге де жекеменшік клиникаларда. Дүниеге келген сәбилер мен аналардың жағдайы жақсы, барлығы қажетті медициналық күтіммен қамтамасыз етіліп жатыр. Дәрігерлер бұл күннің ерекше маңызын атап өтіп, дәл осы күні дүние есігін ашқан әрбір сәбиді отбасына берілген баға жетпес сыйлық әрі қала күнімен тұспа-тұс келген жаңа өмірдің нышаны деп бағалайды.Кеше, 12:20
Астанада қала күні 39 сәби дүниеге келді
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз