2025 жылғы 25 маусымда ҚР Энергетика вице-министрі Құдайберген Арымбек Қызылорда облысындағы мұнай-газ өндіруші компаниялармен кеңес өткізді, деп хабарлайды kazlenta.kz тілшісі ҚР Энергетика министрлігіне сілтеме жасап.
Кеңес барысында Қызылорда облысының газ ресурстарын игеру мәселелері қаралды, олардың жалпы әлеуеті 22 млрд м3-тан асады. 2022 жылы «БК «ҚазГерМұнай» ЖШС Оңтүстік Ақсай газоконденсатты кен орнын игеруге енгізді. Кеңес барысында Қызылорда облысының газ ресурстарын игеру мәселелері қаралды, олардың жалпы әлеуеті 22 млрд м3-тан асады. 2022 жылы «БК «ҚазГерМұнай» ЖШС Оңтүстік Ақсай газоконденсатты кен орнын игеруге енгізді. 2025 жылғы тамызға дейін «Kazpetrol Group» ЖШС және «Галаз и Компания» ЖШС-ның ілеспе мұнай газын «БК «ҚазГерМұнай» ЖШС-ның УКПГ – 1,2 қондырғысына жеткізуі жоспарлануда. Сонымен қатар, 2025 жылғы қыркүйекке дейін осы қондырғыға «ТұзкөлМұнайГаз Оперейтинг» ЖШС-ның шикі газын жеткізу күтілуде.
«ПетроҚазақстан Венчерс Инк.» АҚ газды игеруге тартудың әртүрлі тәсілдерін қарастыруда, оның ішінде «ПетроҚазақстан Құмкөл Ресорсиз» АҚ-мен бірлесіп Арысқұм кен орнының газ шапкасын игеру жобасы шеңберіндегі ынтымақтастық бар. Өз кезегінде, «ПетроҚазақстан Құмкөл Ресорсиз» бұл газ шапкасын өнеркәсіптік өндіру мүмкіндіктерін бағалау мақсатында жобалау жұмыстарына кірісті.
«Торғай Петролеум» АҚ жыл сайын 50 млн м3 дейін газды қабылдап, оны пайдаға асыруға дайын екендігін білдірді. Сонымен қатар, вице-министр Қ. Арымбек бұл көлемді сұйытылған табиғи газ өндіруге әлеуетті инвесторларға беру мүмкіндігін қарастыруды ұсынды.
Газ қоры бар кен орындарын игеру мәселелері бойынша Энергетика министрлігі мен «СНПС-Ай Дан Мунай» АҚ арасында қосымша келіссөздер өткізу жоспарланған.
«БК «КуатАмлонМунай» ЖШС келісімшарттық міндеттемелерге сәйкес 2026 жылдан бастап сынақ жүргізуге арналған ұңғымаларды іріктеуді бастамақ.
Вице-министр өңірдің газ әлеуетін дамытудың энергетикалық қауіпсіздікті арттыру, инфрақұрылымды кеңейту және жұмыс орындарын құру үшін стратегиялық маңыздылығын атап өтті. Бұл бағыттағы жұмыс жер қойнауын пайдаланушылармен және мемлекеттік органдармен бірлесіп жалғастырылады.
Сондай-ақ кеңес барысында келесі компаниялардың: «КОР» Мұнай компаниясы» АҚ, «Кен-Ай-Ойл Қызылорда» ЖШС, «БК «КуатАмлонМунай» ЖШС, «Кұмкөл Транс Сервис» ЖШС, «D Oil» ЖШС, «Кристалл Менеджмент» АҚ, «Sozak Oil and Gas» АҚ, «Тұран-Барлау ЖШС, «СНПС-Ай Дан Мунай» АҚ, «Торғай Петролеум» АҚ-ның келісімшарттық міндеттемелерін орындауы, жобалық шешімдерді іске асыруы, сондай-ақ өңірдің әлеуметтік-экономикалық дамуына аударымдар жасауы бойынша қызметі тыңдалды.