Түркістан облысы полиция департаментінде ерлікпен қаза тапқан қызметкерлердің құрметіне орнатылған ескерткішке гүл шоқтарын қою рәсімі өтті, деп хабарлайды kazlenta.kz тілшісі Түркістан облысы ПД баспасөз қызметіне сілтеме жасап.
Айта кетсек, Тәуелсіздік жылдары Түркістан облысында қызметтік міндеттерін атқару кезінде 60-тан астам полиция қызметкері қаза тапқан. Олардың ерлігі ешқашан ұмытылмайды. Жиналғандар жұлдызы ерте сөнген әріптестерін бір минут үнсіздікпен еске алды.
Полицей болу– күнде жұмысқа шығарда алдыңда не күтіп тұрғанын білмейтін қиын да қауіпті салалардың бірі. Соған қарамастан ел қорғаны болған азаматтар қашанда берген анттарына адал болып, мінсіз қызмет етуде.
Қылмыспен күресу және қоғамдық тәртіпті сақтау – аса маңызды міндет. Өмір тоқтамайды, ерлік өлмейді. Олардың ерлігі мен қаһармандығы еліміздің жас ұрпағына лайықты үлгі!