Ru  Kz
Барлық жаңалықтар

Түркістан облысында кадет сыныбы ашылды

Түркістан облысында кадет сыныбы ашылды
Фото: polisia.kz

Түркістан облысындағы кадет сыныбы Арыс қаласында ашылды, – деп хабарлайды kazlenta.kz тілшісі Polisia.kz сайтына сілтеме жасап.

Жастарды өз Отанын сүюге, ел тыныштығын күзету мен ұлттық әскер сапында адал қызмет атқаруға баулитын сыныпқа қызмет бабында қаза болған полиция капитаны Бибасар Отарбековтің есімі берілді.

Сыныптың ашылу салтанатына Түркістан облысы полиция департаменті басқарма бастығы Мақсат Асқаров, қала әкімі Гүлжан Құрманбекова, Арыс ауданының бас полицейі Бауыржан Куатов, облыстық ардагерлер алқасының төрағасы Оспанғазы Жанқожаев және қаза болған полицейдің туыстары, жас патриоттар мен олардың ата-аналары қатысты.

Іс-шара барысында ел тыныштығын күзете жүріп, қарақшылар қолынан жұлдызы ерте сөнген Бибасар Отарбековтің өмір жолы туралы деректер айтылып, жиналған көпшілікке оның ерлігі дәріптелді.

– ҚР ІІМ Е.Саденовтың бастамасымен бүгінгі таңда республикамыздың барлық өңірлерінде кадет сыныптары ашылуда. Мақсаты – ел тыныштығын күзету мен қауіпсіздігін қорғау кезінде ерлікпен қаза тапқан полиция қызметкерлерінің батырлығын, қайсарлығын жас ұрпаққа дәріптеу. Сондықтан игі іс-шараларға қолдау білдіріп отырған ІІМ мен полиция департаментінің бастығы Мұрат Қабденовке алғысымды білдіремін!, – деді полиция полковнигі Мақсат Нұрқожаұлы.


– Бүгін қызмет барысында қаза тапқан полицей Бибасар Отарбеков атындағы кадет сыныбы ашылып отыр. Ол ел тыныштығын уақытпен санаспай күзетіп, сол жолда ерлікпен қаза тапты. Болашақта осы сыныпты бітірген жастардың ішінен халықтың тыныштығын күзетіп, елдің ертеңіне адал қызмет ететін ұрпақ қалыптасады деп сенемін, – деді қала әкімі Гүлжан Мамытқызы.

Бұдан кейін кадет сыныбының алғашқы 25 мүшесі өз Отанының ержүрек, әрі батыл қорғаушысы болуға дайындалумен қатар, әрдайым ізденуге, оқуда озат, елінің патриоты ретінде қатарластарына үлгі болуға ант берді.

Бибасар ағамыздың аяулы жары Сапакүл Отарбекова ұйымдастырушыларға алғысын білдіріп, өткенін ұлықтап, өшкенін қайта жаққан жерлестерімен мақтанатынын айтты. Ал, жаңа кадет сыныбының ашылуына, осы мектептің түлегі, жергілікті кәсіпкер Азамат Байбосынов та өз үлесін қосқан.

Айта кетейік, Бибасар Отарбеков 1990-шы жылдары ел күзетінде жүріп, қарақшылардың қолынан қаза тапты. Әскери борышын Германияда өтеп, ол жақтан “Үздік офицер” атанды. Әскерден оралған соң, еңбек жолын теміржол саласынан бастаған. Кейін ішкі істер саласына ауысып, Алматыда арнаулы оқу орнын бітіріп, лейтенатын шенін алды. 1990 жылы “Үздік учаскелік инспектор” атанған. Капитан Бибасар Отарбеков ерлігі үшін “Қызыл Жұлдыз” орденімен марапатталған.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Мультимедиа
Мемлекет басшысы Қазақстан-Сингапур бизнес форумында сөз сөйледі
Марат Сұлтанғазиев су тасқынына қарсы іс-шараларға қатысқан әскерилерді марапаттады
Мемлекет басшысы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясын өткізді
Олжас Бектенов Nazarbayev University ғылыми әзірлемелерімен танысты
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты