Аумағы әлі пайдалануға берілген жоқ, қазір қоқыс жәшіктері, шағын сәулет нысандары және басқа да элементтер орнатылып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыс толық аяқталған соң жарықтандыру, демалыс аймақтары және бейнебақылау камералары орнатылады. Мұнда күн сайын 40 қызметкер жұмыс істеп, тәулігіне 5 тоннаға дейін қоқыс шығарылады. Қазірдің өзінде 124 қоқыс жәшігі орнатылған. Ескерту белгілеріне қарамастан, тәртіп бұзушылықтар әлі де бар. Атап айтсақ, көгалдарға және шағын сәулет нысандарына зиян келтіру, қоқыс тастау, тәртіп ережелерін сақтамау.Осыған байланысты, 21 маусым, сенбі күні, сағат 10:00-де су қоймасы мен оған іргелес аумақты тазарту бойынша сенбілік өтеді.Тұрғындарды қоғамдық кеңістіктерге ұқыпты қарауға шақырамыз. Тазалық пен тәртіп — бәрімізге ортақ жауапкершілік.