Бүгінде 854 блогерге 72 млрд теңге табыс салығын төлеу жөнінде хабарлама жіберілді. Бұл туралы Қаржы министрі Мәди Такиев мәлім етті, деп хабарлайды kazlenta.kz тілшісі Қазақпаратқа сілтеме жасап.
— Блогерлер 2026 жылғы 31 наурызға дейін декларация тапсыруы керек, яғни табысын растайды. Жалпы білесіздер, біз блогерлермен бірталай жұмыс атқардық. Мыңдаған блогерге салық төлемі туралы хабарлама жіберілді, — деді Мәди Такиев Мәжілістің жалпы отырысынан кейін өткен брифингіде.
— Қалған 438 блогерге қатысты тексеру жүргіземіз, — деп толықтырды ведомство басшысы.
Бұған дейін хабарлағанымыздай, 360-қа жуық блогер өз еркімен 10,5 млрд теңге сомасындағы табысын растады. Төлем 256 млн теңге (салық) болды.
Еске салайық, жыл басында Мемлекеттік кірістер комитеті табысын 53,3 млрд теңгеге жасырған блогерлер анықтады.