«Мектебім, саған мың алғыс» – дәл осындай атаумен Алматыда 11-сынып түлектеріне арналған салтанатты соңғы қоңырау жиындары өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Биыл Алматыда 18 мыңнан астам 11-сынып оқушысы мектеппен қоштасты. Жалпы, 2024–2025 оқу жылында қала мектептерінде 349 465 оқушы білім алды, оның ішінде 33 753-і – 9-сынып түлектері. 1 764 түлек мектепті үздік аттестатпен тәмамдаса, 670 оқушы «Алтын белгіге» үміткер. Ұлттық бірыңғай тестілеуге түлектердің 92%-дан астамы, яғни 17 522 адам тіркелген. Алматы оқушыларының командасы республикалық олимпиадада 66 медаль мен Гран-при жеңіп алып, 1-орынды иеленді. Алматы мұғалімдері де ерекшеленді: «Алматы ұстазы» байқауының жеңімпаздары халықаралық тағылымдамадан өтті. Бас жүлде иегері қала әкімінен 5 миллион теңге көлемінде грантқа ие болды, - делінген хабарламада.Биыл қала мектептеріне 1 000 жас маман келді. Білім беру жүйесінде 27 мыңнан астам мұғалім еңбек етеді.