Астана қаласының №2 Көпбейінді қалалық балалар ауруханасы базасында 26 мамыр күні республикалық «Дәрігер – балалардың жанашыры» акциясы аясында балалар ортопедтері мен травматологтарының ашық есік күні өтеді, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Іс-шараның мақсаты – балалардағы тірек-қимыл аппараты ауруларының алдын алу және ортопедиялық пен травматологиялық ауытқуларды ерте анықтау. Мамандардың айтуынша, қазіргі уақытта дене бітімінің бұзылуы, жалпақтабандық, сколиоз, сондай-ақ тұрмыстық және спорттық жарақаттардың салдары ортопедтер мен травматологтарға жүгінудің жиі себебіне айналып отыр. Көптеген ауру ерте кезеңде түзетуге келетіндіктен, дер кезінде назар аудару өте маңызды. Ашық есік күні аясында мына шаралар жоспарланған:• ортопед-дәрігерлер мен травматологтардың тегін консультациялары;• балаларды профилактикалық тексеру;• тірек-қимыл жүйесін дамыту және нығайту мәселелері бойынша жеке ұсыныстар;• ата-аналарды толғандырған сұрақтарға мамандардың жауаптары.Іс-шараға қатысу тегін, алайда алдын ала тіркеуден өту қажет: www.2kqba.kz. Іс-шара өтетін орынның мекенжайы: Р.Қошқарбаев көшесі, 64 (Абылай хан көшесі жағынан емханаға кіру).23-05-2025, 18:25
Астанада балаларға арналған травматологтар мен ортопедтер ашық есік күнін өткізеді
Егер мәтінде қате байқасаңыз, оны таңдап, Ctrl+Enter пернелерін басыңыз