Маңғыстау облысы Мұнайлы ауданына қарасты Бесшоқы ауылында тұрғын үйлердің бірінің терезесінің жанынан жаңа туған сәби табылды, деп хабарлайды kazlenta.kz тілшісі Zakon.kz сайтына сілтеме жасап.
Lada.kz ақпаратына сүйенсек, оқиға 5 мамырда таңғы сағат 09:30 шамасында орын алған. Сәбиді алғаш болып жергілікті тұрғын байқап, дереу жедел қызметтерге хабар берген.
Маңғыстау облыстық полиция департаменті бұл оқиғаны растады. Қазіргі уақытта баланың анасын анықтау және оның қайда екенін табу үшін жедел-іздестіру шаралары жүргізіліп жатыр.