Жеңіс күнінің 80 жылдығы қарсаңында Ұлы Отан соғысының ардагері Нәжікен Қапышевке ескерткіш тақта орнатылды. Салтанатты шара майдангер тұрған үйдің жанында өтті, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Мемориалдық тақтаның ашылу салтанатына Астана қаласы әкімінің орынбасары Есет Байкен, Байқоңыр ауданының әкімі Талғат Рахманберді, ардагерлер кеңесінің, күш құрылымдарының өкілдері, ардагердің туыстары қатысты.Нәжікен Қапышев соғыс басталғанға дейін Целиноград ауданы Төңкеріс ауылында мұғалім болып еңбек еткен. Майданға 1942 жылы 114-ші атқыштар бригадасының құрамында аттанды. Смоленск, Витебск, Калининград облыстарын, Литва мен Шығыс Пруссияны азат етуге атсалысты. Майдангер соғысты қатардағы жауынгер ретінде бастады, капитан шеніне жетті, атқыштар ротасының командирі болды. Ардагер ерлігі үшін ордендермен және медальдармен марапатталды.
Ресми бөлімнен кейін іс-шара гүл шоқтарын қоюмен жалғасты.