Полицейлер қоғамдық тәртіпті сақтауды қамтамасыз етуде, жергілікті билікке жәрдемдесіп, халыққа жан-жақты көмек көрсетуде, — деп хабарлайды kazlenta.kz тілшісі Polisia.kz сайтына сілтеме жасап.
2025 жылғы 28 сәуір таңертеңнен бастап Солтүстік Қазақстан облысы полиция департаментінің қызметкерлері жергілікті атқарушы органдармен бірлесіп, СҚО Қызылжар ауданы Большая Малышка ауылында су басу қаупі жағдайында жұмысты жалғастыруда.
Жағдай бақылауда. Жергілікті жерде аудандық полиция бөлімінің қызметкерлері, сондай-ақ ведомство бастығы Айдын Қабдұлдинов бастаған ПД аппараты жұмыс істейді. Полицейлер қоғамдық тәртіпті сақтауды қамтамасыз етуде, жергілікті билікке жәрдемдесіп, халыққа жан-жақты көмек көрсетуде. Қазіргі уақытта ауылдың 20-дан астам тұрғыны жатақханаға орналастырылды, тағы 50-ге жуық адам уақытша туыстарына көшті.
Полиция аулаларды аралап, тұрғындарға су деңгейінің көтерілуіне байланысты, үйлерін уақытша қалдыру қажеттігін түсіндірді. Азаматтарға толық көмек көрсету ұйымдастырылды: тәртіп сақшылары мүлікті қауіпсіз жерге шығарып, тұрғындардың өтініштерін орындауда, тұрмыстық мәселелерді шешуге жәрдемдесуде. 28 сәуірдегі таңертеңгі жағдай бойынша ауылдағы жағдай тұрақты. Полиция, құтқару қызметі және жергілікті билік органдары жағдайды мониторингілеуді жалғастыруда және кез келген өзгерістерге жедел ден қоюға дайын.